Adif-Abiadura Handiko kontratazio erakundeak CAF Signalling, Siemens Rail Automation eta Alstom Transporte etxeek osaturiko partzuergoari esleitu dio Abiadura handiko Ardatz Atlantikoan banatutako ERTMS tren Babes Sistema zentralizatua ezartzeko proiektuaren instalazioen burutzapen eta mantentze lanen kontratua, Vigo-Santiago eta Santiago-A Coruña zatietarako.
Esleipenaren zenbatekoa 52,239 milioi eurokoa da (31,03 M€ obra eta 21,2 M€ mantentze lanak), eta CAF Signallig-i %20 dagokio. Lanak burutzeko epea hamabi hilabetekoa da.
Zati horien luzera osoa 167,4 kilometrokoa da, eta horietatik 110,8 km Vigo-Santiago zatiari dagozkio eta 56,6 km Santiago-A Coruña adarrari.
Proiektu honen xede den zatian, 1. mailako ERTMS/ETCS tren babes sistema interoperagarria instalatzea aurreikusi da sistema nagusi gisa, eta une honetan dagoen ASFA sistema, laguntza sistema gisa geratuko da. Orokorrean, eta sistema nagusiari, hau da, eskatutako 1. mailako ERTMS/ETCS sistemari dagokionez, soluzio teknikoaren gure deskribapena hiru sekziotan banatzen da, eta hiru sekzio horiek lizitazioaren eremuan sartzen den trazatuaren barruan jasotzen diren hiru zatiekin datoz bat: Vigo – Redondela, Redondela – Vilagarcía de Arousa eta Vilagarcía de Arousa – A Coruña.
Eskainitako soluzioari esker, une honetan dauden instalazioetan 1. mailako ERTMS/ETCS sistema jartzearen ondorioak eta trafikoan izango duen eragina oso txikiak edo hutsak izango dira.
Eskanitako ERTMS teknologien banaketa, ABEE-ko kide bakoitzaren presentzia teknologikoari erantzuten dio, batez ere, horrela:
– Vigo eta Redondela arteko zatian, bi katigamendu elektronikoek CAF Signalling-en S3e teknologia dute eta, ondorioz, teknologo beraren ERTMS sistemak instalatzea aurreikusten da.
– Redondela eta Vilagarcía de Arousa arteko zatiko katigamenduen parte garrantzitsuak ALSTOM etxearen SMARTLOCK teknologia jarraitzen du eta, ondorioz, teknologo horren ERTMS sistemak instalatzea aurreikusten da.
– Vilagarcía de Arousa – Santiago – Cerceda zatiko katigamendu eta objektu kontrolagailu guztiak Siemens Rail Automation etxeko WESTRACE teknologiakoak dira, eta, ondorioz, dagokion ERTMS teknologia instalatzea aurreikusten da.
Vigo-Urzáiz – Redondela AV zatia une honetan CAF Signalling-en katigamendu elektronikoekin (QUASAR S3e) ari da zerbitzua eskaintzen. Hori dela eta, zati horretan CAF Signalling-en mota mistoko ERTMS N1 motako AURIGA soluzioa instalatuko da: zentralizatua geltokian eta sakabanatua edo urrunekoa ibilbidean, kanpoko LEU armairuen erabileraren bitartez. Aukera horrek zentralizatu garbiarekin alderatuz duen abantaila, C kable asko aurrezten dela da, LEU armairuak seinaleetatik gertu egongo direlako, geltokien kasuan izan ezik.
Urruneko LEUak muntatzeko kanpoko armairuak ibilbideko seinale multzoen ondoan egongo dira, eta zuntz sarearen bitartez komunikatuko dira CAF-Signalling-en CLC (L1EM) izenekoarekin.
Armairutik, urruneko LEUak C kable bitartez lotuko dira eurobalizekin alde batetik, eta beste aldetik, seinale multzo hori kudeatzen duen ENCE-ko eraikin teknikoan instalatuta dagoen CAF-Signalling-en CLC-arekin (L1EM), ERTMS Sistemarako komunikazio sarearen bitartez.
Instalatu beharreko kanpoko armairuak ingurumen eta segurtasun baldintzetara egokituko dira, ibilbidean sakabanatutako LEUak elkartu ahal izateko.
Proiektu horrek oso garrantzi berezia du CAF Signalling-entzat, beste gauza batzuen artean, ADIFen proiektu pilotua delako, hainbat teknologia dituen zati batean 1. mailako ERTMS/ETCS tren babes sistema erabiltzeko. Horrez gain, proiektu horren bidez CAF Signalling-ek sendotu egiten du gune geografiko horretan (Galizian) duen presentzia. Toki horretan, zerbitzua ematen ari diren lineak edo CTC bezalako sistemak ditu.
Ondorengo irudian tokiko ekipoetarako proposatzen den arkitektura osatuko duten elementuak erakusten dira, eta baita horien arteko komunikazioa ere.
